La Usc di Ladins

Canche se é picoi se vèrda curiousc envers l ciel: co fèjei chi picoi ucie a sgolèr scì aut? No èi poura del vet? Dapò i va tant coran, su e ju, i se outa sotessora, somea che i saute jabas e al ultim i pèrt da nef.

Dapò se vegn gregn e vèlch outa chela medema curiosità se muda, e doventa n ensomech de vita. Dejidrèr e voler sgolèr con n jolier, fèr doventèr chesta pascion n lurier reèl. E amò miec, se l é per didèr fora la jent! Chest l é l ensomech de Ludovico Dezulian, clas 2004 da Cianacei: doventèr pilot de elicoteres da socors. 

Per chest, apede che jir a crepes anter noscia maraveousa Dolomites, l fèsc l quarto an de scola al Istitut Martino Martini de Mezlombard, te la sezion Conduzione del Mezzo. N percors scolastich che ge darà l met de poder se arvejinèr a sie zil, descheche l ne conta.

Podede lejer duta l'intervista su La Usc stampèda de vender prum de ori.  (Nicoletta Riz)