La Usc di Ladins

L é senester troèr zachei che se recorde amò de chi lurieres che oramai i fèsc pèrt de n temp deldut passà e desmentià. L é lurieres che somea beleche cert pissèr che inlouta no era fac da machines e da gran industries, ma fac con man, con abade e gran cher.

Sion jic a rejonèr con Giorgio Lazzer da Ciampedel, 93 egn, e l é ciutà fora doi de chisc lurieres. L prum fossa l rodèr, n lurier sepolì dal jir del temp e che pecia jent recorda, e amò de manco che sà che che vel dir. E dapò l calighé, ma no pa chel che ve met a post i scarpons da jir coi schi!, ma chel che era bon de trèr fora da na pel de vacia n bon pé de ciuzé da durèr e fièr. »No i era no ciauc e no i se roinèa tant sorì. I se roinèa conforma a tant e coche i jia« chestes l é sia paroles per ne contèr de chest mestier, stat sie lurier da vignidì per sacotenc de egn.

Giorgio Lazzer l é da Ciampedel e te sia vita l à vedù mudèr patoch chesta profescion, e dapò l ne conta ence del temp de vera e de sie maester Tita de Megna, che ge à ensegnà l mestier. E tinultima, bensegur, a Ciampedel, ma no pa demò, l ne conta zeche de sia vita de monech de paisc per setant’egn!


Podede lejer duta l'intervista su La Usc stampèda de vender ai 15 de oril.  (Nicoletta Rz)