En mèrtesc ai 29 de mèrz, endèna la radunanza del Istitut, duc i studenc di trei Licees de la Scola Ladina de Fascia à tout pèrt a »Dire Fare Sostenibile«, n meet online endrezà e sostegnù da Unisona, l ent leader tel endrez de evenc per la scoles, en colaborazion con Fridays For Future Italia.
La scontrèda é stata vidèda dal giornalist Federico Taddia e prejentèda con gaissa e a na vida frescia dai joegn ativisć Sara Segantin, naratora scientifica de la val de Fiem, cognosciuda per la trasmiscion Geo&Geo, e Giovanni Mori, enjegner ambiental e energetich.
I studenc di ultimes trei egn di Licees à rejonà de soluzions concretes ence do la scontrèda online; ge é stat dat fora a duta la clasc na scheda-projet, olache se domanèa co miorèr a na vida eco-sostegnibola la strutura de la scola. N muie la propostes: miorèr la regoeta desferenzièda, monitorèr l sciudament te duc i frabicac de scola, dèr fora l’èga a na vida più efizienta per smendrèr l consum de boces de plastica. Idees che se spera posse vegnir concretisèdes te pech temp.
Podarede lejer dut su La Usc stampèda de vender ai 29 de oril.
(Daniele Chiocchetti e Mattia Valentini)
»Dir fèr sostegnibol«, ence te Scola Ladina
I studenc di trei Licees à tout pèrt a n meet online endrezà da Unisona sui mudamenc climatics. Chi di ultimes trei egn à portà dant soluzions concretes per miorèr la scola.
Galaria retrac
View the embedded image gallery online at:
https://www.lausc.it/valedes-ladines/fascia/19366-dir-fer-sostegnibol-ence-te-scola-ladina#sigProId08132a71e7
https://www.lausc.it/valedes-ladines/fascia/19366-dir-fer-sostegnibol-ence-te-scola-ladina#sigProId08132a71e7