La Usc di Ladins

L é stat egn de sodesfazions, à dit Leonardo Bernard, chisc 6 e mez da canche l aea tout su la presidenza del Ski Team Fascia, lascèda su da Giorgio Deluca.

La maor sociazion de schi de val l’à seghità a arjonjer resultac emportanc, a se vadagnèr la stima e i complimenc per l endrez de garejèdes de aut livel, a ruèr semper ai prumes posć te la classifica de la mior sociazions sportives nazionèles. Sodesfazions spartides coi alenadores, coi volontères e col Consei, ence se ti egn vèlch component l é se n jit e vèlch auter é stat tout ite.

Dut chest l lo à recordà, Leo Bernard, te sia longia relazion dedant ai sozi che, chiamé ite a la radunanza en vender ai 22 de oril te Comun de Sèn Jan, i à empienì la sala del Consei.

Ma apede a la sodesfazions, tel ultim an l é stat ence i problemes. E l é chisc che à spent Bernard a concordèr con sie colaboradores, jà tel meis de mèrz passà, la dezijion de no jir più inant con chesta encèria, a na vida che zachei de etres posse se endrezèr per tor te man la situazion.

De più su La Usc stampèda de vender ai 29 de oril.  (Lucia Gross)