La Usc di Ladins

A la fin de mèrz Antone Pollam da Vich, clas 1952 e fi del maester Valantin, l à fenì sie lonch empegn de lurier che lo à portà a se dèr ju per passa 40 egn tel setor de la sanità te val.

L se aea laureà en medejina del 1979 e sobito l à tacà a lurèr desche medico de familia. Endèna l se à scrit ite per fèr la spezialisazion en Pediatria e doventèr medico di bec. 

Con el aon dat na veièda de zeruch per veder e recordèr coche l era enlouta, la esperienzes che l à fat e che che l é mudà te duc chisc egn.

Dotor Pollam, co éi stac i prumes egn de Vosc lurier da medico?

É scomenzà ai prumes de jené del 1980, pech do la laurea, a lurar desche medico de familia. Mia pruma esperienza l é stat na sostituzion del dotor Buccioli a Poza.

Ti egn ’80 la fegura del pediatra te Fascia no la era amò, ere l soul te duta la val da Moena a Cianacei a far chisc studies. Endana che me spezialisae fajee l medico de familia per duc, gregn e picoi. Aee passa 800 bec, beleche l dopie de chi che aee ades tel ultim temp, e ge stajee do a più che mile jent, da la cuna fin a la jent de età. Apede a chest fajee ence le guardie mediche de not, festa e vea: ti prumes egn é fat passa 8000 ore de guardia medica. Se era joegn e se luraa dut chel che l era meso. Son jit inant desche medico de familia fin del 1998, canche i à metù la fegura del pediatra de familia ence te Fascia e é podù far demò l medico di bec.

Podede lejer duta l'intervista su La Usc stampèda de vender ai 29 de oril.

 (Lucia Gross)