La Usc di Ladins

Pélel n liber publicà del 2020, fora de n bel nia e beleche 2 egn do, doventèr de gran atualità? No l é empossibol, sozede per desvalives motives che libres no trop lec timpruma i vadagne suzes tel temp. Pel esser che l’opera sia stata metuda su pelicola, pel esser che l autor vegne a mencèr o pel esser ence, e chest l é nosc cajo, che l argoment o l protagonist del liber l se lee a na neva e mudèda realtà. Vladimir Putin l é om de politica da trop temp, anter i maores del mond e zenz’auter na publicazion su sia fegura no é passèda tel acort canche la é stata publichèda. Ma seguramenter te chest moment, coi mestiesc fac de la vera ucraina, sie inom se à fat più curious e enteressant ti eies de la jent. Chesta rezenjion no vel esser na vertola per rejonèr ben o mèl de Vladimir Putin o na analisa de la burta situazion che sion do a viver, ma n scempie e ogetif consei de letura, vedù l gran saut inant che à fat chest liber de Nicolai Lilin te la classifiches e te la domanes de la jent.

Podede lejer duta la rezenjion su La Usc stampèda de vender ai 19 de oril.  (Daniele Verra)