La Usc di Ladins

Ence per chest an la situazion sanitèra à portà l Consei de la Cassa Rurala Dolomiti a dezider de no chiamèr ite en prejenza la radunanza per l’aproazion del bilanz e i etres adempimenc pervedui.

I sozi à ciapà la letra olache vegn deschiarì che amò n’outa l é stat cernù l sistem del Raprejentant designà col notèr Alessandro Franco e che la radunanza é en program ai 6 de mé.

La sodesfazion palesèda dal president Carlo Vadagnini é aboncont grana, tel portèr dant i resultac del bilanz del ejercizie 2021, che sera con n utol de 3,7 milions de euro, e i traverc arjonc, che i miora amò de più l profil tecnich del Istitut de credit, che dombra 8654 sozi e 139 colaboradores.

»La sodesfazion maora – disc l President – l é chela de aer podù responer de pien ai besognes di teritories de referiment, olache la banca la é protagonista tant per le erogazion di empresć che per la gestion di sparagnes.«

A portèr dant i conc tel detai l é l diretor generèl Ruggero Lucin, che l met al luster en particolèr che la regoeta complessiva é cresciuda de ben l 14%.

De più su La Usc stampèda de vender ai 29 de oril.   (LG)