Te noscia Val l é tropes i joegn che da picoi en su i se troa ta Dèlba, al Gianmario Scola, per jièr a hockey. I se arcedea desvalives dis en setemèna su la giacia per miorèr semper de più e per proèr a fèr doventèr na pascion n lurier. Ence Bryan Grasser aea scomenzà coscita, desche jiador. Con si compagnes l jièa tel Fascia, per n trat ence te la squadra maora. Ite per anter pian pian l se à arvejinà al mestier del atrezista, de gra ence a sie père Pierluigi, storich atrezist de noscia squadra fascèna. Desche atrezist, con el ma dapò ence da soul, l à abù la bela esperienza de lurèr per la nazionala de hockey di joegn.
Na dì, acà cinch egn, fora de n bel nia, l é ruà na gran neva per sia cariera tel hockey, no desche jiador, descheche ge aessa sapù più bel, ma apontin desche atrezist. Da la Svizra, da la squadra Ambrì-Piotta, una de la maores formazions del emportant campionat nazional National League, ge é ruà la domana de jir a lurèr da ic, per la pruma squadra. No l se à fat sciampèr l’ocajion, l à mudà sia vita e ades l vif e l laora tel Canton Ticino.
Podede lejer duta l'intervista su La Usc stampèda de vender ai 6 de mé. (Nicoletta Riz)
Tel hockey tedò la quintes... da Fascia a la Svizra
Bryan Grasser ne rejona de sia esperienza de lurier desche atrezist de hockey tel maor campionat svizer, la National League.
Galaria retrac
View the embedded image gallery online at:
https://www.lausc.it/valedes-ladines/fascia/19527-tel-hockey-tedo-la-quintes-da-fascia-a-la-svizra#sigProId53f80b8812
https://www.lausc.it/valedes-ladines/fascia/19527-tel-hockey-tedo-la-quintes-da-fascia-a-la-svizra#sigProId53f80b8812