Sul fit di cartieres cotant se vadagnel?

Data

15 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Sociazion Fitacartieres de Fascia à chiamà ite la radunanza per l’aproazion del bilanz consuntif 2021. Denise Pederiva à rejonà di aspec gestionai del fitèr i cartieres.



L é temp de radunanzes che sera su e fèsc n bilanz de la sajon da d’invern. En jebia ai 5 de mé te La Gran Ciasa a Soraga l é stat chiamà ite chela de la Sociazion Fitacartieres de Fascia con la partezipazion de 66 sozi.

Do l salut de la presidenta Cristina Donei l é stat la prejentazion del bilanz consuntif 2021 che se sera su con n utol de 3.537,29 euro. Chest atif, à spiegà la canzelista Loredana Chiocchetti, vegn dal fat che via per l an 2021 la sociazion no à podù endrezèr nesciuna atività. Se spera de poder enviar via n percors informatif per nesc sozi te chest an 2022 – à dit Chiocchetti.  

La radunanza l é stat l’ocajion per n enconter con la dotora dai conc Denise Pederiva che à prejentà na analisa di cosć fisc che ogne fitadin cogn tegnir en conscidrazion canche l fita so cartier.

»Aon volù endrezar chest enconter – à dit la presidenta Donei – percheche se sent stroz de jent che tira ju i priesc de fit. No semper convegn far chesta operazion percheche a la fin, touc via i cosć che se à, resta ben pech.«

De più su La Usc stampèda de vender ai 13 de mé.  (Monica Cigolla)