La Usc di Ladins

N picol sas da color: na Marmolèda depenta, n segn checen e n pensier scrit a enchioster tedò, l é chest l picol melaur troà con gran marevea da Tarcisio Davarda, ai 21 de messèl dadoman. Su Facebook, olache l à spartì la bela descorida con sie amisc, l à scrit: »Sun Fedaa a pesc, veide chest picol sas curious che me tira l eie«. 

De presciapech na dejina de centimetres e toron che l stèsc te na man, sul sas l é n dessegn da color de la Marmolèda, la data ‘ai 3 de messèl del 2022’. Curious, l lo outa e l troa n pensier, dotrei risses scrites a penarel: »A chi che ades vif amò colassù con l’ènema ledia per sia pascion… Vosc grignot resta tel recort«. Firmà: Ornella.

De più su La Usc stampèda de vender ai 5 de aost.  (Nicoletta Riz)