Bondì Dolomites!

Data

09 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La ‘picola enciclopedia di teritories patrimonie Unesco’ prejentèda te Piaz de Comun a Poza da Virna Pierobon e na pèrt di autores.


460 piates, scrites col contribut de 60 desferenc autores, esperc e testamonesc e riches de documenc iconografics. L é na sort de ‘picola enciclopedia di teritories patrimonie Unesco’, l liber »Bondì Dolomites!« che conta de la vita, la cultura e l enjegn de la jent di Crepes Spavii e che é stat prejentà enstadì te Piaz de Comun de Sèn Jan tel chèder de la rassegna ‘Te Piaz d’istà’, rencurèda da la giornalista Virna Pierobon.

L liber, vegnù fora amò inant Nadèl del an passà, no l era mai stat portà dant ofizialmenter per precauzions contra l Covid e ence chesta pruma prejentazion, che era perveduda ai 4 de messèl, l’à cognù vegnir sburlèda per la tragedia sun Marmolèda, ruan ai 30 de messèl.

Vidé da la domanes de Pierobon, desvalives autores se à enterzà per meter al luster la particolaritèdes de la publicazion, pean via dai doi ideatores e coordenadores de duta l’opera: Alfredo Weiss e Renato Constantini, che i à rengrazià duc chi che à didà a portèr a compimenc chesta gran impresa.

De più su La Usc stampèda de vender ai 5 de aost.  (Lucia Gross)