La Usc di Ladins

L tem cernù chest an da la Festa ta Mont, apontin chel de la comunanza, l se à palesà ti doi dis no demò en concret con la prejenza e l lurier de duc i volontadives, ma ence con n bon pec de retrac metui fora anter Sauch, Mesaselva e Ciampié per mosciar e deschiarir ence con vèlch scrit, semper ence per ladin, co che noscia jent na uta la era bona de tegnir ensema tel lurar, tel se goder e se didar, te la fe e te le tradizion. La domenia domesdì l é stat n moment cultural de informazion e riflescion sun chest tem. Con la percacenta moderazion del giornalist Piero Badaloni, che l cognosc e l frequenta da egn noscia val, a rejonar de comunanza l é stat envià l storich Cesare Bernard, la presidenta de la Fondazion Dolomites Unesco Mara Nemela e l antropologh Annibale Salsa.

De più su La Usc stampèda de vender ai 12 de aost.  (Lucia Gross)