La Usc di Ladins

L articol 262 del Codesc zivil disc che a n piciol che nasc da na cobia maridèda ge vegn dat automaticamenter l cognom del père. Chesta assegnazion automatica à scomenzà a screvedèr jai egn, canche ge é stat recognosciù a na cobia l derit de ge dèr al fi ence l cognom de la mère, apede a chel del père. Ai 27 de oril de chest an la Cort costituzionèla à declarà che ge dèr automaticamenter ai fies l cognom del père va contra la Costituzion e l é descriminatorie ti confronc de la mère, dijan che i genitores cogn poder dezider ensema, ence tel enteres del bez che à l derit de aer te sia identità i elemenc de duc doi. Chesta sentenza é stata publichèda su la Gazeta ofiziala l prum de jugn del 2022 e da chel moment i ofizies de Stat zivil di Comuns de la Tèlia é stac envié a informèr i sentadins de la neva situazion.
A domanèr fora te duc i Comuns de Fascia se veit che dal prum de jugn enscin ades no l é stat registrà nesciun piciol coi doi cognomes de père e mère, ma de mèrz del 2020 al ofize del servije demografich de Sèn Jan l é stat registrà l picol Elia. Ge aon domanà a la mère percheche i à volù che sie fi l aesse doi cognomes.

De più su La Usc stampèda de vender ai 12 de aost.  (Lucia Gross)