La Usc di Ladins

L é stat na marevea e na emozion, chela vivuda ai 22 de jugn da Margherita Detomas da Sèn Jan, cognosciuda soraldut per sie lurier de giornalista te la redazion ladina de la senta RAI jun Busan.

Defat chel dì la giornalista fascèna é doventèda sentadina de onor tel Brasil de la sità de Barra do Garças. Chesta l é la seconda maor zità del stat del Mato Grosso do da la capitala Cuiabà, l’à presciapech 100 mile sentadins e n teritorie granac te mez a la foresta amazonica.

Chest gran recognosciment de la Citadinanza de onor, dassen unich per na femena che vegn da l’autra man del mond, ge é stat sport ensema con autra 5 persones te la senta de la Camera Municipal de Barra, che fossa l goern de la zità, te na bela zerimonia ofiziala. Detomas l é la soula e la pruma persona de la Tèlia a ciapèr chest recognosciment.

La motivazion, sotescrita dal »Plenario« di 12 componenc del Goern de la zità recognosc i servijes emportanc che l lurier de enrescida e de divulgazion de la giornalista e scritora Margherita Detomas à portà a la zità de Barra do Garças.

De più su La Usc stampèda de vender ai 12 de aost.   (Lucia Gross)