La Usc di Ladins

L barbier segur no l é n mestier de la tradizion da chiò: la jent no aea de besegn de na fegura profescionèla de chesta sort e la se rangèa coche la podea te cèsa. L besegn l é vegnù do la Seconda Gran Vera via, col turism e na neva forma de economia. Ta Cianacei l era i frèdes Gusto e Giovanin Costa, a Poza Vico da la Tor e ja Moena la boteiga ‘del Michelin Cana’.

Ziperla Lazzer l é nasciù ai 13 de aost del 1931 a Ciampedel, te sia vita l à fat l barbier e, podon l dir, l é stat el che à portà chest lurier a Ciampedel.

Da passa sessant’egn l stèsc sun Pian con sia femena Rosina (acà mingol de egn su La Usc, Annelise la ge aea domanà fora a ela zeche de più sun sia vita).

Ziperla l destuda anché 91 ciandeiles: da joenet l é stat per diesc egn alalongia ti studafech de Ciampedel, canche amò l era da maridèr e l stajea te paisc. L é stat despensà da la vijita de naia, dalajà che l era l terzo fi masćio de la familia. L ne conta de sie recorc de vita e de sie mestier.

Podede lejer duta l'intervista su La Usc stampèda de vender ai 12 de aost.  (Nicoletta Riz)