La segnora de Dolèda e l ciastel de Larcioné

Data

15 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Su La Usc nr 31 Fabio Chiocchetti, te sia rubrica "Paroles fora de crigna", ne fèsc jir ite mingol te la toponomastica, vardan la reijes e l segnificat de vèlch inom de lesc de noscia val.

Père Frumenzio, pere om, à pardicià na vita enderno dijan che Ciampedìe no à nia a che veder col Segnoredìe, ma l’é bele demò l plural de ciampedel, donca ‘i ciampedìe’ (che vel pa dir ‘campigoi’ da jir past, no mia ciampes da arèr, noe?...). Emben, l’é amò jent spervaja che colassù sie ‘l Ciamp de Die’. Viapura, nesc peres veies aea debesegn de creer te chesta sòrt de etimologìes populères (o paraetimologìes), ajache magari anter l Crep de Sènt’Uiana da na man e l Ciamp de Die da l’autra ence la Stries de Vael aessa abù manco possess, che canche d’istà sta maladetes levèa la tampesta l’era pa na meseria per chisc ciampes de bièva.

Na lejenda de autra sòrt, muie cognosciuda, l’é chela de la Segnora de Dolèda, vegnuda endò de atualità ultimamenter per via de la instalazion artistica de Andrea Dorigatti che anchecondì fèsc bela parbuda sun chel crep apede la stazion de la forenadoa sun Col di Rosc. Anchecondì la contìa se la troa da lejer bel sorì tel liber de Hugo de Rossi Märchen und Sagen aus dem Fassatale, dat fora da l’Istitut del 1984 (ms. 1912), ma l la recorda ence don Baroldi jà del 1885 te «Riva Fedele» (cfr. Memorie storiche,1981): ence aló vegn dit che aldò de la tradizion se tratèa de na contessa sciampèda con sia jent dal paìsc de Dolo, apede Unejia, e ruèda enfin cassù per via de la vera.

Podede creer, chisc egn veies e veiores la jent de Fascia fosc no saea nience che al mondo l’era n paìsc che aea inom Dolo....

Se volede saer da olache vegn chest e etres inomes, jì a vardèr su La Usc stampèda de vender ai 12 de aost.  (Fabio Chiocchetti)