A jir a enrescir tras documenc, bergamines e letres, con schertures da spes de travers ma semper bela rencurèdes, per talian, todesch o latin che sie, se pel fèr n bel saut endò tel temp. Zacan te noscia Val e te sacotenc etres lesc l era i preves, la Gejia belimpont, che tegnia su i dac de la popolazion: chi che nascea, chi che moria, chi e can che i se maridèa.
No desche aldidanché che l é dut digitalisà: vegnia fat dut a man, e no l é pa nia sorì se n capir fora e entener coche n’outa vegnia tegnù su chisc registres e metù via i archivies. L é jent che studia chesta materia, l’archivistica, e un de sie zii l é ge sporjer al publich chisc materièi, a na vida che i posse apede più sorì.
Dal temp del Covid tropa la jent, soraldut a livel ‘amatorial’, se à arvejinà a la descorida del passà, e en particolèr ai documenc veies e veiores. Te noscia Val é cognosciù tel ultim an na dejina de persones che laora do a sie èlber genealogich de cèsa. L é n lurier che tol temp e che l à besegn de pazienza.
Damiano Lorenz, n joen da Vich, de november l fèsc 26 egn, l me à contà de sia enrescides e de sia pascion peèda via endèna l prum lockdown.
De più su La Usc stampèda de vender ai 9 de setember. (Nicoletta Riz)
Tras la risses del temp: n viac te la familia Lorenz
Damiano Lorenz da Vich l à metù ju sie èlber de familia ruan fin del Siecent. L à binà ensema endèna 366 parenc con documenc e retrac troan ence n leam col canonich Jan Batista Massar.
Galaria retrac
View the embedded image gallery online at:
https://www.lausc.it/valedes-ladines/fascia/20921-tras-la-risses-del-temp-n-viac-te-la-familia-lorenz#sigProId4c3646baf9
https://www.lausc.it/valedes-ladines/fascia/20921-tras-la-risses-del-temp-n-viac-te-la-familia-lorenz#sigProId4c3646baf9