La Usc di Ladins

Sui sfoes nazionèi a la fin de messèl se rejonèa de na mencianza semper maora de èga con gas te la boteighes e te dut l sistem de reforniment e de produzion. La situazion é pesoca per la aziendes de produzion de èga te bocia, ampò la problematica toca ence etres setores del marcià

Ence te Fascia se se n à ascort de chesta mencianza, enceben che no l’abie tocà duc chenc. Milena Fosco del De Matie a Cianacei la ne à contà che entorn i 10 de aost da sie fornidor de fiduzia no i é stac più bogn de ciapèr l’èga Pejo. Ence Linda Debertol de l’Astoria, che la sporc èga Cedea e Pejo, da vèlch setemèna en ca no l’à più abù chest’ultima.

Sion jic a descorir più davejin chesta problematica con l’imprenditora Monica Menozzi de la firma Cedea, produtora de èga te bocia con senta ta Dèlba. 


De più su La Usc stampèda de vender ai 16 de setember.  (Nicoletta Riz)