Pelegrinaje ladin a Oies

Data

20 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En sabeda ai 24 de setember l’Union Generela, en colaborazion con l’Union di Ladins de Fascia e l’autra Unions de valèda, endreza l pelegrinaje dal soul sènt ladin, Sèn Giosef Freinademetz.


Chest an l endrez ge pervegn proprio a l’Union di Ladins de Fascia: la sènta messa tel santuarie sarà defat conzelebrèda da don Mario Bravin e ciantèda dal Cor di Joegn de Poza, vidà da Vanessa Tomasi.

Per chesta ocajion l  é stat endrezà na coriera che pontarà demez da Sèn Jan da mesdì e la portarà i ciantores e i fidei fin a Sèn Linert de Badia, olache se se bina te gejia da les 14.30 per l benvegnù a duc i pelegrins. Dapò chi che vel i podarà jir monté fin a Oies, per i etres da les 15.00 se pea via a pe sul troi de la Via Crucis che rua al santuarie, olache da les 16.00 vegn ofizià la messa ladina dal degan de la Val Badia Siur Iaco Willeit, conzelebrèda da don Mario e da Pater Franz Senfter de Oies.

Do messa se podarà veder la cèsa del Sènt e sarà n pìcol marendel per duc i pelegrins e da les 6 pearà via la coriera per vegnir de retorn te Fascia.

L’Union di Ladins de Fascia slèria fora l envit a duta la comunanza de val per jir a ge portèr onor a nosc soul sènt ladin che, enceben che l sie stat dalonc te la Cina per sia miscion, l é semper stat n muie leà e vejin a sia val e sia jent ladina e l é n muie onorà ence te noscia val.

Per poder se emprevaler del trasport co la coriera, sport da l’Union di Ladins de Fascia, l é da se prenotèr te la senta de la sociazion al numer de telefon 0462 764545, al più tèrt enscin les 12 de en vender ai 23 de setember.