I bec de Sèn Jan taca l an te la neva scolina

Data

29 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L é doventà na bela strutura lumenousa e da color. L intervent de restruturazion di spazies daite à costà beleche 2 milions de euro.


I bec picoi del Comun de Sèn Jan che en lunesc ai 3 de otober tacarà ite l nef an de scola arà na beliscima sorpresa: la senta a Sèn Jan duta restruturada.

Noi sion jic a la veder, amò canche no la era deldut a post, ma jà a veder l gran spazie lumenous che l é daite sion resté maraveé. La presidenta del Ent Gestor Alessandra Cloch ne à menà fora per le aule e la ne à spiegà i lurieres che l é stat fat.

Chel del renovament de la scolina de Sèn Jan l é n lurier che va inant da trei egn. »L intervent l é stat fat te doi fasi: l prum contribut che aon ciapà da la Provinzia de Trent l é stat per meter a post daite – à dit la presidenta Cloch - dapò aon cognù domanar per trei egn a do a do l contribut per comedar defora. Zacan chest an i ne à dit che l era i scioldi, coscita aon podù far i posć per i auti e comedar ence l spazie a l’averta. L é stat desvalives entardivamenc, soraldut per l Covid che à ferà, ma ades daite l é dut vertech, o beleche, e defora la firma STE la é do che la fenesc su i garasc sot tera. L piazal tedant l frabicat de la scolina l é stat uzà su fin a livel de le aule, a na vida che i bec pel jir fora diretamenter te vidor – à spiegà Cloch – ma l aspet più emportant l é che te tera aon podù far 10 posć auto per l personal, coleé a la strutura co na sćiala a sosta. Vegnarà fat ence l nef stazionament per i pulmins, più segur per i picoi e ence chel scuert, coscì ence en cajo de burt temp i pel desmontar e ruar te na part suta per jir ite te scolina.«

De più su La Usc stampèda de vender ai 30 de setember.  (Monica Cigolla)