En mèrtesc ai 25 de otober da les 3 domesdì l Comun General de Fascia endreza na scontrèda te la sala grana del ent per prejentèr la Sociazion Parkinson de Trent ODV, per fèr cognoscer la sacotanta ativitèdes de chesta sociazion e la oportunitèdes de didament per la persones con Parkinson de Fascia.
Rejonarà la presidenta de la Sociazion Parkinson de Trent ODV Andreanna Bayr e l neurologh Claudio Boninsegna. Endèna la scontrèda vegnarà dat informazions en cont de la sociazion e de la malatia del Parkinson, estra che consees de utol per la azetèr e emparèr a viver dessema co la malatia.
Per poder endrezèr chesta scontrèda se domana che i enteressé porte dant l’adejion dant che sie fora en vender ai 21 de otober del 2022 tras mail a: sociale@cgf.tn.it o per telefon al 0462 764297 a na vida da cognoscer dantfora se l é enteres da pèrt de la jent a tor pèrt a chest apuntament.
Viver col Parkinson
Scontrèda de informazion co la Sociazion Parkinson de Trent per endrez del Comun General en mèrtesc ai 25 de otober. I enteressé cogn anunzièr la partezipazion fin en vender ai 21.
Galaria retrac
View the embedded image gallery online at:
https://www.lausc.it/valedes-ladines/fascia/21380-viver-col-parkinson#sigProId994e63916f
https://www.lausc.it/valedes-ladines/fascia/21380-viver-col-parkinson#sigProId994e63916f