Comun General: identità, formazion e cultura ladina

Data

20 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tel Consei General l é stat aproà l Pian Organich de politica linguistica e portà dant la neves en cont de la coes di picioi e del endrez formatif dai prumes egn de vita. Ai Conseieres ge é stat sport la stema simbol de identità.


L é scomenzà con n picol don a duc i Conseieres, l Consei General chiamà ite dal president Cristoforo Debertol ai 9 de november: a duc defat ge é stat sport l pontapiet col stema del ent, n simbol emportant – l é scrit te la confezion – per sia valuta identitèra, che doventa simbolich ajache chest stema raprejenta duta noscia Comunanza e l moscèr vel dir spartir dessema referimenc storics e ideèi e l palesa l orgolie de partegnuda o de adejion.

Al prum pont del orden del dì l é stat tout dant na interogazion del grop de mendranza Fassa, portèda dant dal conseier Matteo Iori, en cont del projet »A Majon« e più avisa de la encèria del projet grafich che ge é stata data su a la fin del 2021 a na joena grafica fascèna che jà d’aisciuda del an passà era stata indichèda desche autora di loghi del projet. L conseier de procura Riccardo Donei à deschiarì che do aer pissà fora l’idea del dessegn, la grafica é stata enciarièda de realisèr dut l projet con la analisa e la strategia de utilisazion, ma Iori no se à dit content de la resposta.

L medemo conseier Donei à portà dant l pont su la ratifica de la deliberazion de urgenza del Consei de Procura per n mudament al bilanz de 380.000 euro domanà per la coa di picioi de Soraga. Chest pont l é stat la ocajion per ge portèr dant a duc i conseieres la informazions sun chest nef servije, no demò a Soraga ma ence te la Val de sora.

L é stat dapò aproà l Pian organich de politica linguistica per l an 2023, n document che, aldelà de la somes di stanziamenc, perveit i intervenc sostegnui da la Consulta acioche la politica linguistica dovente ‘azion coletiva’ con al zenter la comunità di parlanc, per fèr doventèr l ladin n strument de educazion a la zitadinanza, al pluralism e a l’identità inclusiva.

De più su La Usc stampèda de vender ai 18 de november.


 (Lucia Gross)