La Usc di Ladins

En domenia ai 27 de november vegn lità per l nef Comitat de la Frazion de Vich. A desferenza del referendum costitutif de la Frazion, stat jai 5 egn, no pel più litar duc chi che à più che 18 egn ma demò i capifech, descheche perveit ence dute le autre Frazion.

»L é la pruma outa che vegn fat cheste litazion a Vich – ne à dit l capofrazion Paolo Rizzi Poldin - e n muie de sentadins à domanà chi che pel jir a litar te caji olache mencia l om de ciasa o se chest no l pel jir, se a so post pel litar la femena o i fies. L capofech l é l intestatarie del ‘stato de familia’ ma chest l pel delegar a jir a litar ence valgugn de autres de soa familia, ge vel che l aesse amancol 18 egn e besegna che l vae te Ofize anagrafe de Comun per ge far la delega.

Per deschiarir ogne dubie e per far entener miec coche se lita, l Comitat de la Frazion chiama ite na scontrada publica en martesc ai 22 de november da mese le nef da sera te senta del Comun General de Fascia.«

De più su La Usc stampèda de vender ai 18 de november.  (Monica Cigolla)