Sostegnon l Distret de Economia Solidala

Data

21 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Coprativa Oltre envia duc te sia boteiga ‘Ensema’ a Ciampedel per cognoscer la perferides de la Copratives sozièles de Fascia e Fiem.



L é stat n belot domesdì chel che à podù se passèr en vender ai 11 de november i vijitadores che à tout su l envit de la Coprativa sozièla Oltre, che l’à orì i ujes de sia boteiga ‘Ensema’ tel zenter de Ciampedel (Piaz Veie 39), per ge sporjer a duc l’ocajion de veder sia atività, rejonèr con dut l staff, cognoscer l Distret de Economia Solidala, se cercèr vèlch golosaria e ence se proveder vèlch picol don fora de anter da poder sporjer da Sèn Nicolò o da Nadèl.

Te chesta ocajion a Ciampedel apede a la responsabola de ‘Ensema’ Alice Bazzocco l é ruà ence l president de la Coprativa Oltre Claudio Demarchi, la vizepresidenta Paola Dal Sasso, la diretora Laura Bonomi e dapò la conseiera de Procura del Comun General de Fascia Mirella Florian, la responsabola del Servije Sozièl Paola Rasom e la componenta del medemo Servije Margherita Mazzel, ensema con etres referenc e vijitadores.

La proponeta de la Coprativa Oltre va inant enscin en vender ai 25 de november: dal lunesc al vender da les 8:00 a les 12:00 e da les 14:00 a les 18:00 podarede troèr Alice, Ilaria, Gaia, Valentina, Nicolò, Stefano e duta la bezes e bec che fèsc pèrt de la Coprativa per fèr doi ciacoles e veder che che i fèsc.

L é na bela ocajion per duc de veder i prodoc realisé tel laboratorie de tislerai Ensema, ma ence chi che vegn da l’autra Copratives sozièles del teritorie, per troèr e comprèr vèlch da belot che à l valor enjontà de la solidarietà o per domanèr proponetes per vèlch lurier o restaure fat su mesura.

Na ocajiion che se spera vegne touta su ence dai aministradores e da la firmes de val, che les pel ence aer n contat utol per troèr persones da tor ite te sie staff de lurier.

De più su La Usc stampèda de vender ai 18 de november.


 (Lucia Gross)