Guglielmo Lasagna president de l’ASAT Val de sot

Data

31 de dezember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L é stat lità ai 13 de dezember dal nef diretif, che vel peèr via con gaissa.

La sociazion di hotelieres de la Val de sot te sia radunanza tel meis de dezember l’à renovà la encèries sozièles e nominà l nef Consei diretif, che tol ite Francesca Brunel, Jacopo Bernard, Gianmaria Chiocchetti, Franco Cincelli, Guglielmo Lasagna, Fausto Lorenz, Mattia Lorenz, Paolo Peiretti, Matteo Torresani e Matteo Zanon.

Te la pruma radunanza del nef Consei, ai 13 de dezember, l é stat la nomina del nef president, e chesta encèria é stata touta su da Guglielmo Lasagna da Vich, fi d’èrt te chest setor, ajache ence sie père Celestino l é stat president de l’ASAT per n muie de egn. Lasagna arà apede desche vizepresidenc Francesca Brunel e Gianmaria Chiocchetti.

Lasagna l é stat enciarià ence de fèr pèrt del Consei de l’APT de Fascia, ensema con Paolo Peiretti.

L nef diretif se à metù dant de lurèr per n projet che à inom ”Fascia 2040”: per chest l é stat dezidù de peèr via sobito col coordenament de la vizepresidenta Francesca Brunel con na azion de scout, che vegnarà endrezèda tel meis de jené. Aldò del ejit di costionères che vel tor su i problemes, i besegnes, i cruzies e la speranzes di sozi, anter i meisc de mèrz e jugn del 2023 l’ASAT de la Val de sot  enten envièr via na azion concreta con gropes de lurier per meter ensema n pian de lurier de trei egn. Endèna i prumes vèresc pervedui l é de tor contat con l’Agenzia del lurier de Trent e de endrezèr n sistem tel sit per ge dèr luster a  la domana e la perferida de lurier; apede chest anter i obietives de la sezion l é de miorèr l endrez di servijes sanitères provinzièi te val, en particolèr per chel che vèrda l ambulatorie traumatologich e la guardia medica.

 (lg)