La Usc di Ladins

L an 2022 vegnarà recordà te Fascia per doi evenc meteorologics che à segnà debel la val. L prum l é stat chel del scomenz de messèl, na gran tragedia che à portà ence morc e che à metù al luster la precarietà de nosc ambient.

En domenia ai 3 de messèl tel prum domesdì na gran levina de giacia, neif e crep se à destacà sun Marmolèda sot Ponta Rocia ciapan sot n muie de escurscionisć jic su la Reina do la via normala. La azion del Socors da Mont é peèda via sobito da Cianacei e la se à slarià fora a duc i raions vejins e a duc i corpes e i volontadives de la Protezion zivila, jan inant per dis alalongia. L é stat l intervent de 6 jolieres del Aiut Alpin rué da Trent, Busan e Belun, i Studafech, la Polizia, i Carabinieres, la Finanza, rué ence da la provinzies de Busan, Belun e Unejia. La situazion, deldut neva e dassen teribola che se à prejentà ai eies di omegn del socors à lascià duc destrametui.

En lunesc ai 4 de messèl te la caserma de Cianacei ensema ai presidenc de la Provinzia de Trent Maurizio Fugatti, de la Provinzia de Busan Arno Kompatscher e de la Region Venet Luca Zaia l é ruà ence l president del Goern talian Mario Draghi che à portà paroles de vejinanza e de confort per la families de la vitimes, di desvanii e di ferii e per la comunanzes tocèdes da chesta tragedia.

De più su La Usc stampèda di 5 de jené.