Ai 5 de aost l catitemp à endò fat gran dan te Fascia. Te presciapech n’ora l é vegnù ju passa 100 milimetres de èga ciapan ite dut l front sot l Ciadenac, da Vich enscin a Ciampedel. Duc i ruves che vegn ju su la dreta orografica de la val, da Duron a Udai e Soal i fajea poura, l Ruf de Marisena sul tegnir de Mazin é jit sorafora e en dut l é vegnù ju passa 50 metes, la maores con smolinamenc che à portà èga, mauta e èlbres fin jun stradon.
L trafich sun stradon é stat blocà e per segureza 211 persones à cognù se n jir fora da sia majons e ence da vèlch hotel, a chestes ge é stat enjignà per poder stèr soranet te palestra de la scola mesènes de Sèn Jan, olache la Crousc Checena de Fascia à metù ju e endrezà la brandes metudes a la leta dai Studafech di distrec de Fascia e Fiem.
De più su La Usc di 05 de jené.
5 de aost 2022: anter Vich e Ciampedel 50 metes
Te n’ora l é vegnù passa 100 milimetres de pievia che à fat dan a strèdes e cèses, ma no a persones. Dut l é stat comedà te 48 ores de gra a la resposta straordenèra di volontères de Protezion zivila e de la istituzions.
Galaria retrac
View the embedded image gallery online at:
https://www.lausc.it/valedes-ladines/fascia/22193-5-de-aost-2022-anter-vich-e-ciampedel-50-metes#sigProIdd6e5f55d1f
https://www.lausc.it/valedes-ladines/fascia/22193-5-de-aost-2022-anter-vich-e-ciampedel-50-metes#sigProIdd6e5f55d1f