La Usc di Ladins

L Chino de Cianace averc endodanef si ujes. Descheche se sà, a venjer l bando del Comun de Cianacei per tor en gestion chesta emportanta strutura culturèla e sozièla l é stat acà vèlch setemèna la sociazion culturèla Kino, metuda su aposta per poder se tor su chesta endesfida de ge sporjer n pont de referiment ai joegn e a la comunanza de Cianacei e de duta la val. Chest l obietif del joen president Lorenzo Dezulian, che te chest ultim temp l se à dat ju con gaissa e empegn, ensema con sie staff, per ge meter man con vèlch picol intervent che posse ge dèr na parbuda mingol neva e soscedèr curiosità.
En vender ai 19 de setember l é en program l’inaudazion ofiziala de Kino: da les set da sera vegn moscià “The Grand Budapest Hotel’ del regist Wes Anderson, film del 2014 che che se à vadagnà desvalives recognoscimenc da la critica e 4 Oscar. Dantfora, tel bar renovà, l é l aperifilm e do amò na viva de augurie che chesta strutura posse dalbon doventèr n zenter feruscol e atif per duta la comunanza.

Se pel lejer dut su La Usc nr 36 dai 19 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (LG)