La Usc di Ladins

N’opera che conta noscia storia travers i documenc autentics da fontènes taliènes, testimonianzes diretes e aprofondimenc meticolousc, con la prezijion e la pascion de chi che vel capir, no giudichèr. Chest l é l nef liber del scritor da Mezlombart Giuseppe Matuella dal titol »Hände auf Tirol! Le mani sul Tirolo!« che, per endrez de la Schützenkompanie Ladins de Fasha, l é stat prejentà en vender ai 24 de otober a La Gran Ciasa a Soraga.

Giuseppe Matuella l à dit che ge vel lejer i documenc per enter la rejons de la conquista del Tirol, no chi austriacs ma chi taliegn che dèsc n chèder ence da n auter pont de veduda. L à rejonà soraldut de identità, de respet, de veres, de cheles che aon su per usc te chest moment storich, che vel ge tor l’identità a etres popui.

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)