La Usc di Ladins

Ence chest an ai 16 de mé l Grop Miscionarie Freinademetz e Mato Grosso a endrezà la regoeta de fer e metèi, e de gra al gran lurier fat col didament de n bel grop de volontadives i à podù tor su n mont de roba. La regoeta del fer, che vegn endrezèda doi outes al an e portèda inant dut l an canche ge vegn domanà de jir a l tor, l é la maor entrèda per l Grop. Del 2025 l'à permetù de meter ensema beleche 70.000 euro che va duc en benefizenza te la miscions e a chi che à de besegn.
Tel ultim temp l é stat segnalà che rua jent da foravia con furgons a domanèr fer veie: chisc no met a la leta temp e lurier per fèr vèlch per i etres, ma i lo fèsc per sie utol. I volontères del Grop Freinademetz e Mato Grosso i é fascegn e cognosciui, i passa canche l é la doi regoetes e senó i va demò se i vegn chiamé. I auza fora n apel: »se volede ne dar na man, abadà canche zachei se prejenta a domanar fer, l é ben sorì capir se l é nosc grop o zachei autres che rua da fora. Se aede besegn che vegnissane a tor valch, podede chiamar nosc president Franco al numer 335 5956009. Devalpai«.  (LG)