La Usc di Ladins

L Fascia Bike Racing Team va inant con sia garejèdes e chesta setemèna i atlec à tout pèrt a does preoes desferentes. Graziano Degiampietro l’é jit inant te sie percors de la Südtirol CUP, coran na proa de four cross, competizion a eliminazion anter 4 bikers su n percors fat de sauc, ostacoi e paraboliches. L’event l’é stat tel Sudtirol al Mikes Bike Park, te la località Ponticino Grosso. Graziano l’é stat bon de serèr sù con n grandiscim resultat, passan l travert te la seconda piaza de sia categorìa M5. Chest resultat ge fèsc vadagnèr n bon grum de ponts per poder seghitèr a pontèr ai prumes trei posć de la classifica finèla de la Südtirol CUP per sia categorìa. La strèda la é amò longia, ma Graziano l seghita a trèr fora da sia roda de gregn resultac, setemèna do setemèna.

Manuel Verra e Valerio Bacchiocchi à enveze tout pèrt a la 100km dei Forti, garejèda marathon che fèsc pèrt del Zircuit Trentin, apontin de 100 chilometres e con n dislivel de 2537 metres.

De più su La Usc stampèda de vender ai 15 de jugn 2018.   (Daniele Verra)