L più bel èlber da Nadèl

Data

25 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks

L Comitat Manifestazions de Poza à endrezà n concors dedicà al sìmbol de chest temp de festes, che ampò chest an à padì trop.

Te chest temp de l’an, simbolisà ence da l’èlber fornì sù, no se pel desmentièr l dan padì dai èlbres de nesc bosć, e n muie l’é stat la scomenzadives metudes a jir te nesc paìjes de chest vers, desche chela de no dèr fora ai sentadins i èlbres da fornir sù, apontin per envièr duc a pissèr al gran valor de peces e autra piantes.

A Poza, te Piaza dal Malghèr, l’é stat metù na gran bora de legn, zenza rames e duta scorzèda jù: chesta “vitima” del catif temp de la fin de otober à ciapà luste de grazia a na fila de lumes che, da sunsom, les vegn jù dut entornvìa a formèr n gran cono enlumenà, dassen de gran parbuda.

Apede chest, l Comitat Manifestazion de Poza à envià duc a palesèr sie amor e respet per i èlbres fotografan i èlbres da Nadèl più bie. I retrac più da emozion cogn vegnir mané enscin ai 6 de jené a la direzion mail: esprimiiltuonatale@gmail.com. I 15 retrac più bie vegnarà regoec tel prum album da Nadèl del Comitat Manifestazions de Poza e i vegnarà premié con n gadget spezièl.

 (lg)