A comedia se grigna, ence en “vijita de condolianzes”

Data

26 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L grop de atores de la sociazion Antermoa à serà sù la rassegna de teater del Comun general de Fascia.

L’é stat dalbon na marevea jir a teater en domenia ai 16 de dezember al PalaDolomites de Ciampestrin. Sun paladina l’era l grop de atores de la sociazion Antermoa che metea dant “Vijita de condolianzes”.

L’era l’ultim de la lingia de spetacoi de teater che à tout pèrt chest uton a la rassegna endrezèda dal Comun general de Fascia. Sie compagnìes che se à dat jù te toc desferenc ma dassen gustegoi, da la mascherèda a la comedia, al “circo” e tinultima n spetacol de l’assurd. Gé die che gran part del publich no se aessa spetà de veder portèr en scena da chest nef grop de teater n toch “noir” descheche i lo chiama, che à metù dant l’umorism neigher ai limic de l’assurd.

“Vijita de condolianzes” l’é na comedia de Achille Campanile, un di maores umorisć de Nefcent. N muie de critics, per via de vèlch analogism, lo à comparà a la enrescida de l’assurd de Ionesco ma enveze el se à semper definì n umorist e per n muie de egn l’é stat sotvalutà da man del publich.

N umorism sotil, paradossal, fora da ogne logica. No se pel segur se fegurèr de grignèr tedant a n mort, canche l’é la vedova che vaa desperèda e i parenc che rua en vijita de condolianzes.

N toch de teater te n soul at, de presciapech n’ora, che taca ite con i parenc che rua a cèsa de la vedova Romana a ge fèr la condolianzes per la mort de sie om Paolo. Amisc e parenc é duc endespiajui, i vaa, i se despera. O él demò scena? 

De più su La Usc stampèda de vender ai 21 de dezember 2018.  (Monica Cigolla)