I ciantores da la Steila a Poza

Data

01 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I Trei Rees à portà la bona noela renovan ence chest an la veiora tradizion.


A Poza chest an no l’era bec, ma n grop de omegn che é jic stroz a portèr la bona noela: i Trei Rees e trei pèstres. Roberto, David, Thomas, Vincenzo, Massimo e Leonardo, regolé sù coche carenea, i se à enjignà per poder ciantèr a più oujes la cianties de la steila, per talian e per ladin.

I à tacà dò Nadèl a jir a portèr mìngol de legreza te la majons e te vèlch alberch de paìsc, soraldut a la jent de età, i à viventà la raprejentazion dedant a la gran crìpela te Piaz dal Malghèr e te etres ciantons del paìsc.
Apede a la ciantia tradizionèla con la melodia de la Val de Sot e ciantèda per fascian con la paroles de P. Frumenzio de Martin, i à portà dant per ladin ence “L’é nasciù l divin Bambin” traduzion de la ciantia franzousa “Il est né le divin enfant” e etres tòc per talian, i tradizionai “Tu scendi dalle stelle" e "Un bimbo trema" e la traduzion de “We three Kings” de Hopkins. La cianties é states adatèdes a 3 oujes e emparèdes col didament del maester Stefano Lazzer. I cianta dalbon delvers: podede i scutèr tel video su la piata facebook de La Usc.

 (lg)