Angelica, ultima nasciuda del 2018 de Fascia

Data

01 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La pìcola sentadina de Sèn Jan é ruèda adalèrch te l'ospedèl de Ciavales ai 31 de dezember, pech dant da les 6 da sera.
L’é na pìcola sentadina de Sèn Jan, l’ùltima nasciuda te l’ospedèl de Ciavaleis del 2018.

La é ruèda adalèrch da les 17.50 de lunesc ai 31 de dezember, mìngol più prest respet a canche la mère Anna e l père Davide i la spetèa, ajache l termen che i ge aea dat l’era ai 2 de jené. Se veit che la pìciola volea veder amò n goc de l’an che era dò a fenir, e l’à fat en prescia per doventèr na conscrita del 2018: la più joena de duc si compagnes. Ampò l’é na bela popa, de 3 chili e 940 grames, Anna e Davide i ge à metù inom Angelica.

Angelica l’à jà na sor e n fra, Ludovica e Samuele, de 4 e 2 egn, che i speta con gaissa che la pìcola sor, ensema con la mami, posse jir prest te sia majon sa Meida, per poder se petolèr duc ensema.
Nos ge fajon la congratulazions e i augures, a la pìcola Angelica e a si genitores!  (lg)