Te Fascia i ciantores da la Steila

Data

10 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I retrac di Trei Rees che à portà la bona noela te duta la val, renovan ence chest an la veiora tradizion.


L’é amò n gran sentiment dintornvìa la tradizion di Trei Rees te Fascia. Te beleche duc i paìjes de la val vegn endrezà ogne gropes de bec e bezes che va fora per strèdes, ciantons, cèses, hotìe e families a ciantèr la bona neva. Te vèlch paìsc l’é i gregn che se met a la leta per fèr i ciantores da la Steila. 

I Trei Rees à portà ence chest an te val la bela noela da Penìa enscin a Moena. I à viajà per monc e val per ruèr a veder olache l’é nasciù l Messia. Na tradizion che vegn viventèda amò con gust, ensema a chela de sciumentèr en vea de Pèsca Tofènia. Ence chest an te la parochies del Decanat de Fascia, de gra a la desponibilità di preves, l’é stat dat fora l’incens e la orazions, per fascian e talian, per benedir e sciumentèr la majon.

De più sui Rees, la Reìnes e i pèstres che à rodà fora per i desvalives paìjes de la val, su La Usc stampèda de vender ai 11 de jené 2019.