Cheres depenc: pascion e fenomen sozièl

Data

11 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Da egn l'é atif te Fascia n feruscol Inter Club. Aon rejonà de l'endrez e de l'ativitèdes de chesta sociazion con l president Riccarco Donei.


I é de 22 i jiadores su n ciamp vert, unesc che vèrda de n vers e unesc che vegn de contra. Zenza nience dir che anterite l’é na bala torona, n arbiter col scigolot e doi portes biences, jà se à entenù de che sport sion dò a rejonèr: balon. Amò, l’é mile e mile persones che se troa dintorn a chest spetacol, sentèdes jù te stadies gregn e amò più gregn. Milions de pascioné dedant a la televijion che se zaca la ombies o i se beif na bira, regolé col color che carenea da la maieta enscin ai scufons alóda la pontes di piesc. Che chesta emozion la sie viola, n color che a Moena via per d’istà aon emparà a cognoscer ti ultimes egn, rosola o śalarossa, rossaneigra o neigrabruna, bruncerchià orossabruna, roèna o biencianeigra, e amò se podessa seghitèr, met en pe duta la desvalivanza del mond, enceben che vèlch en comun te anter duta chesta jent che se depenc l cher de un de chisc colores se la troa: la pascion. Che i abie tel dos l’una o l’autra maieta, duc vel se vardèr na bela partida coi amisc, duc vel veder sia squadra che avenc per poder esser contenc e, sessaben, vèlch outa ence per poder grignèr mingol fora chi che enveze à perdù.

L balon l’é n jech, ma l tol ite i cheres de miliarc de persones tel mond, donca doventa ence n fenomen sozièl: n fenomen che bina persones de vigni età, tant omegn che femenes.Pascioné, persones donca vindedò l jech. 

Apontin per capir chesta pascion e ence l fat sozièl che l porta te la comunanza, aon domanà fora Riccardo Donei, president de l’Inter Club Fascia-Fiem, na realtà dassen spezièla che va inant da più che 16 egn.

Podede lejer duta l'intervista su La Usc stampèda de vender ai 11 de jené 2019.  (Daniele Verra)