I Bogn da Nia venc la Moena Ski Alp

Data

07 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Prum post per Margit Zulian e Alex Oberbacher a la 3^ proa del Montura Trofeo Ski Alp 4 Valèdes.

Se à tegnù en mèrtesc ai 5 de firé la Moena Ski Alp de schi alpinism, ruèda a sia 6^ edizion, che aea valuta desche 3^ proa del Montura Trofeo Ski Alp 4 Valèdes, la proa che era stata sburlèda per catif temp. I passa 200 atlec scric ite é ponté demez dai Ronc ló da la gabinovìa de Lujia e i é rué sa Le Cune, i à corì n percors de 2.200 metres con 470 metres de dislivel.

Bon éjit ence chest’outa per i atlec di Bogn da Nia. Te la categorìa de eles l’é l podie dut fascian con al prum post Margit Zulian che à corì l percors tel temp de 21.57, secondo post per Giorgia Felicetti col temp de 22.19, terzo sciaier per Carla Iellici col temp de 24.08. Duta trei chesta atletes é scrites ite coi Bogn da Nia.

Ence l podie di ic é beleche dut de chesta sozietà fascèna. Prum post per Alex Oberbacher (17.38), 2° per Ivo Zulian (18.31) e 3° per Filippo Beccari (18.42) de Bela Ladinia.

L quarto apuntament de chest zircuit, che à l sostegn del marchie Montura, é en program en vender ai 8 de firé con l 22° Memorial Maurizio Zagonel de Sèn Martin de Castrozza. Endèna a cef de la classifica del zircuit l'é Gabriele Depaul e Giorgia Felicetti di Bogn da Nia.

 (mci)