Bilanz straordenèr per la Coprativa de Fascia

Data

11 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La radunanza di sozi del Fassa Coop à metù dant n utol che passa via l milion de euro. Consegnà l "Premio Fassa“ ai Studafech de dut l Distret de Val.
L'é stat l vizepresident Pierpaolo Trottner a vidèr la radunanza di sozi de la Coprativa de Fascia, chiamèda ite en sabeda ai 9 de firé domesdì te palestra de la Scola mesènes a Sèn Jan. Na radunanza che à vedù na gran partezipazion de zirca 450 sozi e che, soraldut l'à podù portèr dant n bilanz dassen ezelent. L bon ejit arjont tel bilanz de l'an 2017 é stat amò miorà del 2018, ruan a n utol de ejercizie de 1.061.091 euro.
Desche semper la Radunanza l'é stat l'ocajion per consegnèr l Pest Fassa. Chest'outa, en conscidrazion del gran lurier fat dai volontadives per i evenc de catif temp, luran ence te condizions senestres, l'é jit ai Studafech del Distret de Fascia. Na dezijion segur aprijièda da duc i sozi, che i à compagnà la consegna del pest con n lonch e fort batiman.

I detaes su la radunanza sarà da poder lejer su La Usc stampèda de vender ai 15 de firé.  (lg)