16 convoché per i Mondièi Junior de Fascia

Data

12 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Lums empeèdes sun l’atlet da Gherdena Alex Vinatzer e la furlana Lara Della Mea

I sarà 16 i joegn taliegn che tolarà pèrt ai Mondièi Junior 2019 te Fascia: 8 de ic e 8 de eles. I sarà vidé dal campion da Gherdena Alex Vinatzer e da la furlana Lara Della Mea, i doi possiboi protagonisć en assolut de la rassegna. Recordon che Alex à jà vent la medaa de arjent l’an passà a Davos.

Chisc l’é i inomes di atlec convoché dal President de la Fisi Flavio Roda, che li à cernui aldò de la segnalazion del diretor sportif Massimo Rinaldi e del coordenador del setor di joegn Matteo Ponato: Alex Vinatzer, Matteo Canins, Pietro Canzio, Matteo Franzoso, Tobias Kastlunger, Samuel Moling, Niccolò Molteni e Matteo Pradal del Ski Team Fascia per i ic; Lara Della Mea, Giulia Albano, Anita Gulli, Sofia Pizzato, Marta Rossetti, Teresa Runggaldier, Elena Sandulli e Carlotta Saracco per la eles.

Sarà chisc i protagonisć de la undesc gares che vegnarà endrezà sun Aloch e su La VolatA.

Ai 19 de firé i prumes a garejèr sarà i spezialisć de la discesa che tolarà la mesures su La VolatA te la pruma proa cronometrèda, enveze l prum titol de campion vegnarà assegnà en mèrtesc ai 19 de firé sun Aloch con l slalom lèrch de eles, l di dò col slalom strent semper de eles e la discesa de ic. Ai 21 de firé i atlec de ic garejarà sun Sèn Pelegrin per l SuperG enveze en vender ai 22 sarà l’outa del SuperG de eles e del Team Event, da sera, sun Aloch, na proa dassen spetacolèra. En sabeda ai 23 e en domenia ai 24 l’é la combinèda de ic e de eles. En lunesc ai 25 se taca ite con il slalom lèrch de ic e la pruma proa de la discesa de eles: en mèrtesc ai 26 l’é l slalom de ic con Alex Vinatzer e l’ultim titol che vegnarà assegnà sarà chel de en mercol ai 27 con la discesa de eles.

 (mci)