Jouf de Sela: nia più limitazions

Data

19 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’assessor al turism de la Provinzia de Trent Roberto Failoni à tout sù i besegnes del teritorie. Sodesfazions da man di operatores economics.

“L’é stat na scontrèda n muie percacenta e sinziera olache l’é stat metù dant la idees economiches e politiches de la jent de Fascia che domana na soluzion chièra per chest istà e na resposta definitiva per i egn che vegn.” L’é stat chestes la pruma paroles de l’assessor al turism de la Provinzia de Trent Roberto Failoni a la fin de l’enconter chiamà ite te Comun de Cianacei en lunesc ai 18 de firé dal conseier ladin e vize president del Consei regionèl Luca Guglielmi con i raprejentanc politics e economics de la val per descorer de la mobilità sui jouves e de sia limitazions. A la scontrèda à tout pèrt la procuradora e senatora Elena Testor, vèlch raprejentant del Comun general de Fascia, di Comuns, de l’Apt, di hotelieres e di operatores economics di jouves. Da man de duc l’é stat palesà la contrarietà a la formes de limitazion del trafich envièdes via i ultimes doi egn, soluzions che à creà confujion anter i ghesć che volea jir sui jouves.

“Sion chiò – l’à dit l’assessor Failoni – percheche pisson che l teritorie cogne dezider sun sie davegnir. Ge vel equilibrie e dezijions condividudes e no emponudes. La posizions che l’é vegnù fora da la scontrèda me sà deldut de contra a la limitazions. Aboncont en vender (ai 22 de firé, ndr) n rejonaré te Jonta provinzièla e tolaron na dezijion per chest istà. Per chel che vèrda enveze l davegnir verjaron n desch de lurier sobito con la provinzies del Sudtirol e del Venet per tor na dezijion definitiva.”

De più su La Usc stampèda de en vender ai 22 de firé.

 (Monica Cigolla)