Bernardino Zulian Capofrazion de Poza

Data

20 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dò la mort de Giorgio Locatin l Comitat à tout ite l prum di no lité, Gianmaria Deluca.
L’é stat na sentada mestia, chela chiamada ite da la Frazion de Poza en martesc ai 19 de firé, che se à avert con n recort pien de stima e de encresciujum per Giorgio Locatin de Patron, stat Capofrazion per beleche 30 egn e se n jit de colp acà nience n meis, ai 31 de jené.

Ampò i lurieres da portar inant i é n muie e l Comitat à cognù dar sù prest le neve enciarie.

Te la Frazion de Poza l’é stat donca tout ite Gianmaria Deluca de Cruf, che te le ultime litazion l’era stat l prum di no lité, e dapò l’é stat lità per l’enciaria del nef Capofrazion.

I componenc Gino Detomas da l’Ansol, Fernando Cincelli de Jina, Massimiliano Rasom de Rajum e Gianmaria Deluca Cruf i é stac duc a una a ge dar sù l’enciaria a Bernardino Zulian de Cuz che, enceben che tel Comitat no sie pervedù n “vize”, de fat l’era l “brac dret” de Giorgio Patron e che l’é ence l referent de le ASUC de Fascia e Fiem tel Comitat de le Frazion de dut l Trentin.  (Lucia Gross)