Nadia Bernard, anter la miores maitre de la Tèlia

Data

15 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ensema con doi coleghes de la sociazion AMIRA del Trentin Sudtirol la maitre fascèna se à vadagnà l secondo post tel concors “Le donne nell’arte del flambé” a Grado.


Nadia Bernard l’é na maitre, na responsabola de l’azet e del servije te sala de hotìe e restoranc. La é da Pera, e dò esser stata a l’Hotel Ramon de familia a Ciampedel per n muie de egn, la se à fat na esperienza profescionèla tel servije de ezelenza per la sala de hotìe o restoranc de aut livel te desvaliva strutures turistiches.

La é scrita ite te la sezion del Trentin Sudtirol de AMIRA, la Sociazion di maitre taliegn de restoranc e alberghes, e apontin con chesta sociazion chisc dis passé l’à abù l met de fèr na bela esperienza. 

Defat la é stata cernuda dal fiduciarie regionèl de AMIRA, Gianni Cassanelli, ensema con autra doi eles del setor de la restorazion trentina, per tor pèrt al concors nazionèl “Le donne nell’arte del flambé”, che vegn metù a jir a Grado, tel Friul, oramai da desvalives egn.

Chiò, ensema con la maitre Luciana Holler de la gelaterìa Serafini de Lavis e con na joena studenta de la Scola Alberghiera de Tione, Beatrice Dallapè, la se à vadagnà l secondo post a livel nazionèl.

De più su La Usc stampèda de vender ai 15 de mèrz.  (Lucia Gross)