Na viva per Emma!

Data

21 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te Ciasa de Paussa a Sèn Jan enstadì l’é stat fat festa per na ocajion dalbon spezièla: Emma Gross à compì ben 100 egn.

Enstadì te Ciasa de Paussa a Sèn Jan l’é stat fat festa per na ocajion dalbon spezièla: Emma Gross, ghesta de la strutura da 4 egn, l’à arjont l travert straordenèr de cent egn. 

De segur ruèr a chesta età l’é n fat dalbon rèr, ence se l miorament de la calità de la vita à portà la persones a viver n muie più al lonch che tel passà. Per chest ge vel l festejèr coche carenea e te Ciasa de Paussa duc se à dat n gran da fèr acioche Emma aesse n bel recort de chesta dì emportanta.

Donca, dò aer tout pèrt a la messa zelebrèda te la capela de la strutura da P. Alberto del Malghèr, col didament de Arturo Rasom de Gotart, a la prejenza di etres ghesće de sacotenc parenc e amisc rué per la fèr ite te n braciacol de afet e legreza, Emma é stata compagnèda te sala, olache l’era stat endrezà n gustegol marendel e a la spetèr l’era ence n bel maz de fiores e na torta golousa, che ben segur no podea mencèr te na ocajion desche chesta. 

A la festa, apede a fies e nec, à tout pèrt ence l personal de la strutura e l’é ruà ence l vize ombolt del comun de Sèn Jan Germano Pedrotti con la assessora al sozièl Claudia Zanet a ge fèr i augures a Emma. L’aministrador à palesà gran piajer de esser prejent te na ocajion de chesta sort, segur nia comuna, e l’à rengrazià la strutura e duc i colaboradores che i porta inant sie lurier te la mior vida possìbola.

De più su La Usc stampèda de vender ai 22 de mèrz.   (cri.m)