Descorion i minerèi del Museo “Monzoni” de Poldin

Data

12 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N apuntament de gran enteress sport da l'Union di Ladins e dal Comun General de Fascia.
Dò l bon ejit di corsc metui a jir l’an passà tel chèder de l’Aisciuda Ladina, l’Union di Ladins de Fascia en colaborazion con l Comun General endreza dotrei scontrèdes avertes a duc per cognoscer nosc ambient.

La pruma scontrèda per cognoscer nosc bosch, che era perveduda en sabeda ai 6 de oril, la é stata sburlèda al meis de mé per via de la condizions del temp. 

Chesta sabeda ai 13 de oril l’apuntament é a Sèn Jan, te Strada de Pilat 10, a la descorida del Museo mineralogich “Monzoni” de Tone Rizzi de Poldin.

Se se troa da les 14.00 diretamenter aló dal Museo mineralogich, olache la esperta de geologìa Alessia Soraruf ne didarà a cognoscer i minerèi e a entener chel che i ne disc de la storia veiora de noscia Dolomites.

La scontrèda é debant e averta a duc. No l’é besegn de se prenotèr dantfora, ma per ogne informazion se pel chiamèr l’Union di Ladins al 0462.764545.
L'é benfat aer vèlch da ciaut da se tirèr ite, ajache tel Museo l'é piutost freit.

N auter apuntament vegnarà metù a jir en domenia ai 5 de mé. Tel cedean da canche, ai 5 de mé del 1920, l’é nasciù la bandiera ladina dai 3 colores, simbol de l’unità di Ladins, l’Union di Ladins de Fascia envìa duc sun Jouf de Sela, lech sìmbol del leam anter i Ladins, per cognoscer mingol de storia de chest popol e de sia bandiera.

Vegnarà endrezà na coriera debant che pea via da Sèn Jan dal piaz apede a l’Istitut Ladin da les 14.30. Chi che vel se n emprevaler i cogn se scriver ite a l’Union di Ladins (tel. 0462.764545 - mail union@ladinsdefascia.it)dant dai 26 de oril. Se aessa da esser burt temp vegnarà fat na scontrèda te Comun general sui medemi argomenc.  (lg)