Gran atività per cognoscer l’Alzheimer

Data

15 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Sociazion Rencureme, con a cef Annalisa Zorzi, à tegnù enstadì a Moena sia radunanza generèla e prejentà l rendicont e l’atività portèda inant te l’an 2018.

La Sociazion Rencureme en domenia ai 7 de oril la se à troà te sala de Consei de Comun a Moena per la radunanza generèla olache l’é stat aproà l rendicont, se à rejonà del lurier portà inant tel 2018 e i projec per chest an.

La scontrèda é stata reta da la presidenta Annalisa Zorzi che te sie referat l’à recordà duta la scomenzadives.

La maora che à comportà ence n gran lurier jit inant via per dut l’an, l’é stat segur chela dita “No veide più mie troi” endrezèda per l’Alzheimer Fest Nazionèl stat a Levico col patrozinie de la Provinzia Autonoma de Trent.

La sociazion l’à portà dant n projet per fèr crescer chel spirit de didament per la persones che padesc de Alzheimer che dovessa tor ite no demò la istituzions ma duta la comunanza. L malà de Alzheimer, soraldut al scomenz, l se sent en colpa, l peissa de no esser azetà da la familia e da la jent. La comunanza cognessa enveze esser ascorta ai segnèi de chesta malatìa e fèr entener che no l’é nia da se tegnir de mèl, alincontra fèr sentir che duc é vejins e verties a didèr fora.

De più su La Usc stampèda de vender ai 12 de oril 2019.  (Annelise Vian)