N nès checen che scon n cher gran

Data

18 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N grop de studenc à tout pèrt a n bel cors de clownterapia con la professores Barbara Bonu e Ester Dalvit. N suzess l spetacol finèl te la senta de l’Anffas.

Legreza, simpatìa, capazità de improvisazion e soraldut voa de se meter en jech, l’é anter la capazitèdes che serf per fèr “clownterapia”. A ge pissèr somea adertura vèlch da magich: esser bogn de fèr stèr miec zachei demò col se meter en relazion te la vida giusta, con na balota de goma checena sul nès, gran desponibilità e voa de se goder.

Enstadì n grop de studenc de la Scola ladina de Fascia à podù fèr na esperienza de chesta sort, canche a la fin de n percors de arvejinament a la clownterapia i é jic a troèr i utenc de l’Anffas e del laboratorie sozièl, duc regolé sù a na vida mingol particolèra, per proèr dedant a chel publich no cognosciù chel che i aea emparà te chisc meisc passé.

Duc i studenc é stac dassen bravi e l spetacol l’é stat n suzess: sketch comics, jeghes de prestije, matèdes, pìcola provocazions... dut à garatà! E a la fin na bela tonda... e duc jabas! 

L publich se à godù dassen n muie e per i studenc l’é stat na bela esperienza, tant che i peissa jà de proponer na esibizion ence te Ciasa de Paussa.

De più te La Usc stampèda de vender ai 19 de oril 2019.  (Lucia Gross)