Valivanza de deric e derit a la desvalivanza

Data

18 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N convegn te Museo Ladin à portà dant relazions e riflescions de gran enteress sun n tem che ne revèrda da vejin

L’é stat l conzet medemo de mendranza a vegnir metù en discuscion tel convegn “Mendranzes storiches e autra mendranzes”, metù a jir da la facoltà de Giurisprudenza de Trent per endrez del professor Roberto Toniatti ai 12 e 13 de oril tel Museo Ladin de Fascia.

Se l’an passà, tel convegn endrezà dal medemo professor Toniatti a Palù del Fersina/Palai en Bersntol, ence en ocajion de l’azion per l “Minority Safepack”, la relazions e l debatit aea metù a fech l livel de stravardament e recognosciment de la mendranzes linguistiches e sie raport con i lengac maores, chest’outa se é jic amò più “ite”, analisan aspec giuridics, sozièi e politics che influesc su l’aspet linguistich, ma tel medemo temp ence più “fora”, vardan a fenomens e situazions che ne empon de tor cà denef i conzec de “mendranza linguistica” e “mendranza storica”.

Che velel dir defat mendranza? E che se entenel per “mendranzes storiches”, conzet che stèsc a fondament de la Lege 482/99?

Anter i desvalives intervenc, de gran atualità chel de la professora Valeria Piergigli de l’Università di Siena, che à rejonà del stravardament de la comunanzes Rom e Sinti. Con l’inom Rom (tel lengaz romanì “rom” vel dir “om”) se enten per solit duc i desvalives gropes de lengaz romanì (Sinti, Khorakhanè, Manouches, Kale, Romanichals) rué ca da l’India del XIV secol. L’é senester fèr dombramenc ofiziai, ma l’é la maor mendranza etnica de l’Europa, olache i é presciapech 12 milions; 6 milions i é te l’Union Europeèna e da 110 a 180 mile zirca te la Tèlia, olache no i é conscidré anter la mendranzes storiches: te la 482 no i é nominé. Zirca mec i é sentadins taliegn, etres rumeni e donca comunitères e etres amò, sciampé da la ex Jugoslavia di egn ’90, i é apolidi. La maor pèrt oramai i à lascià l nomadism e i é doventé stanziai, ampò i é semper discriminé. Anchecondì te la Tèlia chesta costion vegn touta dant per solit demò dal pont de veduda de segureza e orden publich, ence con azions de discriminazion, tant che più che n’outa l’Europa ge à fat a la Tèlia n rechiam ofizial per chest.

 

De più su la Usc nr 16 stampèda ai 19 de oril

 

 (Lucia Gross)