Louf: informazions dretes, no ciacoles

Data

18 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I studenc de la Scola de Fascia à portà dant i resultac de n bel projet su envit di giagres de Sèn Jan. I à enjignà ence n sondaje che va amò inant.


Evenc - L’é stat 8 studenc de desvaliva classes del Liceo Scientifich de Fascia i protagonisćen vender ai 12 de oril de la scontrèda metuda a jir te Comun de Sèn Jan dai giagres de Vich, Poza e Pera en colaborazion con la Scola de Fascia. 

Vincent Stambé, Valerio Desilvestro, Luca Vuerich, Massimo Ganz, Andreas Rizzi, Angelica Desilvestro, Mattias Rosso e Ermanno Mich i à portà dant, ogneun sia pèrt, n muie de informazions sul louf: sia carateristiches fisiches, la desferenzes respet al cian, sie zicle de vita e co che l se reprodusc, che teritorie che l tol fora, coluna che l’é sia difujion, che che l magna e n muie de auter.

Da chisc bravi studenc, che à portà dant l frut de n lonch lurier
{gallery}9820{/gallery}
de enrescida fat con la professora Elisabetta Demattio e col tecnich de laboratorie Marcello Lancietti, l gran publich che empienìa la sala de Comun l’à podù aer informazions controlèdes, sorafora la ciacoles e i pregiudizies che vegn da secoi de contìes, ence sun coche à fat l louf a ruèr chiò da nos: per “disperscion”, ajache i joegn louves canche i doventa gregn i se n va da sia familia per jir a se chierir n auter teritorie olà se enciasèr. “No l’é stat portà da nesciugn”, à rebadì i joegn, per responer a oujes zenza fondament che amò va stroz, e i ge à racomanà a la jent grana de stèr ascorta a olache la tol la informazions: l’é sic segures, che dèsc informazions dretes, desche chel de la Provinzia de Trent sui gregn carnivores o chel de Life WolfAlps, ma n’é ence n muie de chi che dèsc informazions fausses, tant contra che a favor del louf. I studenc à moscià ence l fat sozedù a Ciampedel, olache ge vegnìa dat da magnèr a n louf, e i à recordà che chest l’é n muie pericolous ajache l smaora la confidenza anter chesta bestia e l’om: la tema che l louf à de l’om redusc defat l risech, dachelanvìa i ge à domanà ai aministradores che i deide a fèr informazion per meter en consaputa i sentadins di comportamenc drec e de chi falé en prejenza de la bestia.  (lucia Gross)

Galaria retrac

{gallery}9820{/gallery}