Da Testor 2 DDL per la mendranzes

Data

19 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al convegn su la mendranzes stat te Museo Ladin de Fascia ai 12 e 13 de oril à tout pèrt ence la procuradora del Comun general de Fascia Elena Testor, che l’à rejonà ence te sie encèria de Senatora.

La Procuradora à sotrissà la situazions e i besegnes desferenc de la desvaliva mendranzes, fajan referiment a noscia realtà più vejina, olache tel Trentin troon da na man l lengaz ladin manacià da l’imigrazion de chi che rua da fora e da l’autra mochen e zimber manacé da l’emigrazion di locutores che cogn se n jir.

La Senatora à dapò rejonà de doi proponetes de lege che l’à portà dant a Roma: la pruma (nr 771), amò de messèl del 2018, per domanèr la ratifica de la “Carta europea delle lingue regionali o minoritarie” (Strasbourg, 1992) che la Tèlia à sotescrit del 2000, ma mai ratificà e donca mai metù en doura. Chesta ratifica mencèda l’é argoment de batalia da egn per Palermo, aboncont endèna te chisc meisc l ddl no l’é amò stat tout dant dal Parlament.

N secondo dessegn de lege (nr 1157), prejentà da la senatora Testor ai 20 de mèrz de chest an e sotescrit da esponenc de duc i partic, perveit desposizions de stravardament de la mendranzes linguistiches a risech de desvanir, e en particolèr cheles che tol ite manco che 10.000 persones te duta la Tèlia e che vif te comuns sot i 5.000 sentadins, olache ampò i raprejenta amancol l 15% de la popolazion. La proponeta auza fora l besegn che vegne respetà l’art. 6 de la Costituzion con normes aldò per arsegurèr la soravivenza de la comunanzes de mendranza con intervenc concrec, desche agevolazions fiscales, “bonus bebè” e de autra fazilitazions su mesura.

 (lg)